ریاض(آن لائن سے) سعودی عرب میں عمرہ زائرین کی بس کو حا د ثہ، 20 زائرین کی شہادت، مقامی اور غیر ملکی عمرہ زائرین کو خمیس مشیط سے مکہ مکرمہ لے جانے والی بس کو شمالی عسیر میں حا د ثہ پیش آیا۔ نیوز کی رپورٹ کے مطابق سعودی عرب میں شمالی عسیر کے ’شعار درے‘ میں بس کے حا د ثے میں 20 عمرہ زائرین ش ہید اور 29 ز خمی ہوگئے۔الوطن اور الاخباریہ کے مطابق بس مقامی شہریوں اور مقیم غیرملکیوں کو لے کر خمیس مشیط سے مکہ مکرمہ جارہی تھی۔ سیکیورٹی فورس کے اہلکاروں نے حا د ثے کے بعد شعار درہ بند کردیا اور وہاں سے ٹریفک کے گزرنے کے لیے متبادل راستہ بنایا گیا ہے۔ شہری دفاع اور ہلال احمر کی ٹیموں نے موقع پر پہنچ کر امدادی کارروائی کی، ز خمیوں کو ابتدائی طبی امداد کے بعد عسیر کے سینٹرل ہسپتال اور ابہا کے پرائیویٹ ہسپتال منتقل کیا گیا ہے۔ شہید ہونے والوں کی لا شیں ہسپتال کے سرد خانے میں رکھی گئی ہیں۔ متعلقہ حکام حا د ثے کے اسباب جاننے کے لیے تحقیقات کررہے ہیں۔ الاخباریہ کے نامہ نگار نے بتایا کہ بس میں زیادہ تر غیر ملکی سوار تھے۔ ابھی یہ پتہ نہیں چل سکا کہ غیرملکیوں کا تعلق کن ممالک سے ہے۔ ابتدائی اطلاعات میں بتایا گیا کہ بس ایک کمپنی کی تھی جو عسیر کے ’درہ شعار‘ کے پل کے آخری حصے سے ٹکر ا کر ا لٹ گئی اور اس میں آ گ لگ گئی۔ بس کے بریک سسٹم میں خرابی کے باعث حا د ثہ پیش آیا۔ ز خمیوں کے رشتہ داروں نے بتایا کہ حا د ثہ بس کے ٹکر ا نے اور خرابی کی وجہ سے پیش آیا ہے۔ ٹریفک پولیس نے ابھی تک حا د ثے کے بارے میں باقاعدہ بیان جاری نہیں کیا۔
0 تبصرے