سیالکوٹ:عالمی تنظیم ایمرجنسی لائف سپورٹ ٹیم کا سینٹرل ریسکیو اسٹیشن کا دورہ

سیالکوٹ(پریس ریلیز)میڈیا نمائندہ سیالکوٹ ریسکیو کے مطابق پاکستان سوسائٹی آف ایمرجنسی کے تحت عالمی تنظیم ایمرجنسی لائف اسپورٹس  کے میمبرز نے سینٹرل ریسکیو اسٹیشن کا دورہ کیا۔ تنظیم میں آسٹریلیا، نیوزی لینڈ، ملائیشیا اور کراچی سے آئے ڈاکٹرز کی ٹیم شامل تھی۔ ڈسٹرکٹ ایمرجنسی آفیسر انجینئر نوید اقبال نے تنظیم کے نمائندگان کو ریسکیو اسٹیشن کا دورہ کروایا اور ریسکیو ایمبولینس، فائر وہیکل، ریسکیو وہیکل، ائیرئیل پلیٹ فارم کو حوالے سے بریف کیا۔ بعدازاں ریسکیو آپریشن آلات بھی دکھائے۔ اراکین نے ریسکیو سروس اور سٹرکچر کو بہت سراہا، موٹرسائیکل ایمبولینس سروس کا بھی بغور جائزہ لیا اور سراہا۔ اس موقع پر تنظیم کی پاکستان ترجمان میڈم فریدہ نے کہا کہ ریسکیو کی سروسز سعی معنوں میں لوگوں کی مدد کر رہی ہے، ہر شعبہ اپنی ذمہ داری احسن طریقہ سے سر انجام دے رہا ہے۔