سیالکوٹ:تھانہ رنگ پورہ کے قریب ڈلیوری بوائے کے ساتھ ڈکیٹی کی واردات

ڈاکو ڈلیوری بوائے سے ایک عدد موبائل فون مالیت 50 ہزار روپے  اور نقدی گن پوائنٹ پر چھین کر فرار

سیالکوٹ(حسنین راجہ سے ) سیالکوٹ میں بھی کراچی کی طرز پر ڈکیٹی کی واردتیں ہونے لگیں، اطلاعات کے مطابق سیالکوٹ کے تھانہ رنگپورہ سے چند منٹ کے فاصلے پر محلہ احمد پورہ اکرام چوک میں کراچی کی ڈکیٹیوں کی طرز پر موبائل سنیچنگ کی واردت ہوئی جس میں فوڈ پانڈا کمپنی کے ڈیلیوری بوائے فرحان بٹ جو کہ آرڈر ڈیلیور کرنے کے لئے جارہا تھا کو
ڈاکے کی نیت سے موجود دو ڈاکووں نے روک کر گن پوائنٹ پر روکا اور فرحان کے پاس موجود نقدی 11000روپے اور موبائل فون مالیت 50 ہزار چھین کر فرار ھوگئے، فرحان بٹ کوٹلی بہرام کا رہائشی ہے اور فوڈ پانڈا کے ساتھ ڈیلیوری بوائے کی حثیت سے منسلک ہے ،واردات کے بعد پولیس ایمرجنسی 15 پرکال چلنے کے بعد پولیس موبائل موقع پر پہنچ گئی اور ڈلیوری بوائے فرحان بٹ کے ساتھ ہونے والی ڈکیٹی کی واردات کی رپورٹ درج کروانے کے لئے فرحان بٹ کو ساتھ تھانے لے گئی ذرائع کے مطابق فرحان بٹ کی مدعیت میں رپورٹ درج کر لی گئی ہے
اس موقع پر آواز کے نمائندہ حسنین راجہ سے بات کرتے ہوئے ڈیلیوری بوائز کے نمائندے نے کہا کہ یہ اس قسم کا پہلا واقع نہیں ہے ایسے واقعات معمول بنتےجارہےہیں،احکام بالا تک اپنی آواز پہنچانے کے لئے جلد احتجاج کریں گے