سیالکوٹ:شہر میں امن و امان کی بہتری کے لئے متعدد تھانوں کے ایس ایچ اوز تبدیل

تھانہ صدر اور مراد پور میں بڑھتی جرائم کی شرح کو کنٹرول کرنے کے لئے کرائم فائٹر ایس ایچ اوز تعینات 

سیالکوٹ(سلمان احسان بٹ سے)ڈسٹرکٹ پولیس آفیسر سیالکوٹ سید محمد ذیشان رضا نے اپنے پی ایس او میاں عبدالرزاق کو تھانہ مراد پور کا ایس ایچ او تعینات کر دیا ۔تھانہ سبز پیر کے ایس ایچ او اکرم شہباز کو ایس ایچ او تھانہ صدر سیالکوٹ تعینات کر دیا گیا۔سب انسپکٹر الطاف اسحاق کو ایس ایچ او تھانہ سبز پیر تعینات کر دیا گیا۔شکایات سیل سے انسپکٹر محمد نواز کو ایس ایچ او بڈیانہ تعینات کرتے ہوئے انسپکٹر فخر الزمان کو پولیس لائن رپورٹ کرنے کا حکم جاری تھانہ پھوکلیان سے ایس ایچ او شہباز رضا پولیس لائن اور پولیس لائن سگ مبشر مقصود کو ایس ایچ او تھانہ پھوکلیان تعینات کردیا،تھانہ ستراہ سے ایس ایچ او عادل اقبال بھی پولیس لائن اور سب انسپکٹر فہد منصور کو ایس ایچ او تھانہ ستراہ تعینات کر دیا گیا۔تھانہ مراد پور اور تھانہ صدر سیالکوٹ میں ایس ایچ او تعینات نہ تھے جس بنا پر ان تھانوں کے ملحقہ علاقوں میں ڈاکو راج قائم تھا جس بنا پر دونوں تھانوں میں کرائم فائٹر ایس ایچ اوز کو تعینات کر دیا گیا