Latest News


Header Ads Widget

Responsive Advertisement

برطانیہ کے بادشاہ چارلس سوئم کو سینٹ ایڈورڈ تاج پہنا دیا گیا



 برطانیہ کے بادشاہ چارلس سوئم کو سینٹ ایڈورڈ تاج پہنا دیا گیا


لندن (ایڈیٹر محمد عمر سے) برطانیہ کے بادشاہ چارلس سوئم کو سینٹ ایڈورڈ تاج پہنا دیا گیا، آرچ بشپ نےبادشاہ چارلس کوکنگ ایڈورڈ تاج پہنایا جس کے بعد کنگ چارلس کنگ ایڈورڈ تاج پہننے والے ساتویں شاہی سربراہ بن گئے ہیں۔

برطانیہ کے بادشاہ چارلس سوئم اور ان کی اہلیہ ملکہ کنسورٹ کمیلا کی تاج پوشی کی تقریب ویسٹ ایبے میں ھوئی جس میں مختلف رسومات ادا کی گئیں، گزشتہ 70 سال کے دوران برطانیہ میں  تاج پوشی کی یہ پہلی تقریب ہے۔تقریب میں آرچ بشپ آف کینٹربری نے بادشاہ چارلس سوئم سے عہدے کا حلف لیا جس کے بعد بادشاہ چارلس نے حلف نامے پر دستخط کئیے۔ برطانیہ کے بادشاہ چارلس سوئم نے سینٹ ایڈورڈ چیئر سنبھال لی ہے۔ تقریب میں شرکت کیلئے پرنس ہیری بھی ویسٹ منسٹر ایبے پہنچے ہیں جبکہ پرنس اینڈریو، پرنس ایڈورڈ، پرنسس یوجین اور پرنسس این بھی تاجپوشی کی تقریب میں شریک ہوئے ۔تاجپوشی کی یہ روایت 1066 میں شروع ہوئی تھی جس کا سلسلہ اب بھی جاری ہے، کنگ چارلس سوئم نے 40ویں بادشاہ کا تاج اپنے سر پر سجایا ہے، تاج پوشی کے بعد ملک بھر میں بگل بجے اور توپوں کی سلامی پیش کی گئی۔

تاج پوشی کی تقریب کے بعد شاہ چارلس اور ملکہ کمیلا 4 ٹن سونے کی بنی ہوئی اسٹیٹ کوچ میں روانہ ہوئے جو کہ جارج سوئم کیلئے بنائی گئی تھی، وہ 39 ممالک کے 4 ہزار فوجی اہلکاروں کے ایک میل طویل جلوس میں واپس بکنگھم پیلس پہنچے۔بکنگھم پیلس میں واپسی کے بعد شاہی خاندان بالکونی میں آیا، کنگ چارلس نے شاہی خاندان کے دیگر افراد کے ہمراہ بکنگھم پیلس کی بالکونی سے فلائی پاسٹ کا معائنہ کیا، اس موقع پر شاہ چارلس نے عوامی نعروں کا ہاتھ ہلا کر جواب دیا، سلامی میں رائل نیوی کے جہازوں نے شرکت کی۔کنگ چارلس کی مرحوم والدہ کی تاجپوشی کے بعد یہ برطانیہ میں اپنی نوعیت کی سب سے بڑی تقریب تھی، ہزاروں لوگ سڑکوں پر کھڑے تقریب کا نظارہ کرتے رہے جبکہ دنیا بھر سے لاکھوں لوگوں نے اسے ٹیلی وژن سکرینز پر دیکھا۔اتوار کو رات آٹھ بجے ونڈسر کیسل میں ’کورونیشن کانسرٹ‘ منعقد ہوگا جس میں ایک ہزار افراد شریک ہوں گے جبکہ پیر 8 مئی کو برطانیہ بھر میں عام تعطیل ہوگی

ایک تبصرہ شائع کریں

0 تبصرے