میرپورخاص:بینک رہزنی اور پولیس کانسٹیبل نعیم بلورا کے قتل میں ملوث بین الضلاعی گروہ گرفتار

*میرپورخاص(بیورو چیف شہزاد خان صابری)بینک رہزنی میں ملوث گروہ کیخلاف مزید پیش رفت،تین انتہائی مطلوب ملزمان جو کہ  پیشہ ور اجرتی قاتل  اور پولیس کانسٹیبل نعیم بلورا  (ٹنڈوآدم) کے قتل میں ملوث  گرفتار،بینک ڈکیتی کی وارداتوں میں چھینی گئی رقم اور اسلحہ بر آمد، ملزمان بین الضلاعی گروہ سے تعلق رکھتے ہیں اور مختلف اضلاع  بشمول حیدرآباد،ٹنڈو الہیار،کراچی پولیس کو مطلوب ہیں۔  ملزمان نے میرپورخاص میں وارداتوں کا انکشاف کیا ہے، میرپورخاص انچارج سی آئی اے عنایت علی زرداری کی سربراہی میں ہمراہ پولیس ٹیم بڑی کاروائی،پولیس ترجمان کیمطابق میرپورخاص پولیس نے بینک ڈکیتوں کے خلاف مؤثر کاروائیوں میں مذید پیش رفت کرتے ہوئے،انچارج  سی  آئ  اے  عنایت علی زرداری کی سربراہی  میں انچارج   ڈی  آئ  سی  غلام  حسین سدھایو کی  تکنیکی  معاونت سے میرپورخاص  پولیس ٹیم  میں  شامل  آفیسر  ڈی  آئی  بی  انچارج  دانش احمد،ایس ایچ او ٹاون  افتخار باجوہ کے ہمراہ جرائم  پیشہ افراد کی سرکوبی کرتے  ہوئے بین الضلاعی گروہ کے خطرناک ملزمان کو گرفتار کر لیا،

ملزمان میں ذیشان عرف ببا،اکرام عرف شان عرف ٹوپی،معراج بھٹی نےدوران تفتیش ابتدائی طور میں میرپورخاص میں  5 0   بینک ڈکیتی کی وارداتیں کرنے کا انکشاف کیا ہے،ملزمان اجرتی قاتل بھی نکلے اور قتل کی سنگین وارداتوں میں ملوث رہے ہیں،دوران تفتیش ملزمان  نے  ماضی میں پولیس کانسٹیبل  نعیم بلورا کے قتل میں ملوث ہونے  کا اقرار بھی کیا،مذکورہ گروہ میں شامل ملزم معراج بھٹی اپنے ہمراہ ملزم سکندر شاہ کے ساتھ  بینک کے اندر جا کر ریکی کر کے گروہ کے دوسرے افراد  کو مطلع کرتے تھے جو بعد میں اسلحہ کے زور پر پیسہ چھین لیتے تھے،مذکورہ تینوں ملزمان پولیس کے پے در پے چھاپوں کے بعد پنجاب فرار ہو گئے تھے،  البتہ پولیس مسلسل تعاقب کرتی رہی،ملزمان پولیس اسٹیشن  لانڈھی کراچی،ٹنڈو آدم ، نیو کراچی،فیڈرل بی ایریا،درخشاں،کورنگی  انڈسٹریل ایریا اور دیگر تھانوں  میں رہزنی کی وارداتوں میں چالان ہیں،اس گروہ میں مزید شامل افراد کی گرفتاری جلد متوقع ہے،ملزمان نے دوران تفتیش میرپورخاص میں ہونے والی ڈکیتیوں کا انکشاف کیا ہے،ملزمان مورخہ 08.06.2023 کو پی ایس سیٹلائٹ ٹائون کی حدود میں نزد چاندنی چوک سے اسلحہ کے زور پر اختر ملک سے 30 لاکھ چھین کر فرار ہوگئے،ملزمان مورخہ 01.06.2023 کو ٹاؤن کی حدود سے نیو ٹاؤن یوٹیلیٹیکے  اسٹور سے نامعلوم ملزمان اسلحہ کے زور پر محبوب علی سے 10 لاکھ رقم چھین کر فرار ہوگئے،ملزمان مورخہ 15۔05۔2023 کو پی ایس غریب آباد کی حدود سے سر سید روڈ سے نامعلوم ملزمان اسلحہ کے زور پر ماوجی کولھی سے 5لاکھ رقم چھین کر فرار ہوگئے،ملزمان مورخہ 15۔06۔2023 پی ایس غریب آباد کی حدود علی میڈیکیئر سے نامعلوم ملزمان اسلحہ کے زور پر بھونگر بھیل سے 10 لاکھ رقم چھین کر فرار ہوگئے،ملزمان مورخہ 04.05/2023   پی ایس مہران نائی کی دوکان سے نامعلوم ملزمان اسلحہ کے زور پر دلبر بروہی سے 3 لاکھ رقم چھین کر فرار ہوگئے۔۔#*