میرپورخاص:رنگ روڈ پر ناجائز تجاوزات کی بھرمار ٹریفک جام عوام کے لئے وبال جان

میرپورخاص(بیورو چیف شہزاد خان صابری)شہر میرپورخاص کے گنجان آبادی والے علاقوں کے درمیان موجود رنگ روڈ پر واقع کالونی چوک،کھان ناکہ چوک واطراف میں ناجائز تجاوزات کی بہتات،مصروف ترین رنگ روڈ پر بے ہنگم ٹریفک کے سبب اکثر متعلقہ مقام پر ٹریفک جام رہنے کی وجہ سے شہریوں کو آمد و رفت میں شدید مشکلات کا سامنا،متعلقہ سرکاری ادارے کالونی چوک و اطراف سے،کھان ناکہ چوک واطراف سےناجائز تجاوزات کو مستقل بنیاد پر ختم کراتے ہوئے،بے ہنگم ٹریفک جام کی روانی جاری رکھنے کیلئے ضرورت کیمطابق ٹریفک پولیس کو تعینات کیا جائے،

سنجیدہ عوامی،سماجی،کاروباری حلقوں کا مفاد عامہ میں مطالبہ،تفصیلات کیمطابق شہری علاقوں کے درمیان موجود مصروف ترین رنگ روڈ پر واقع کھان ناکہ چوک واس کے اطراف میں،کالونی چوک واطراف میں موجود ناجائز تجاوزات کے سبب عوام بالخصوص ضعیف العمر،بیمار افراد،خواتین ،بچوں اور چھوٹی سواری والوں کو آمد و رفت میں شدید دشواریوں کا سامنا کرنا پڑرہا ہے،مسافر و مال بردار ہیوی گاڑیاں،چنگ چی رکشے ودیگر گاڑیاں متعلقہ گنجان آبادی والے علاقوں کے درمیان موجود اس رنگ روڈ سے بہت تیزی سے آتی جاتی رہتی ہیں اور یہ سلسلہ تقریباً چوبیس گھنٹے جاری رہتا ہے،لہذا متعلقہ علاقوں کے مکین و سنجیدہ عوامی،سماجی،کاروباری حلقے میونسپل کارپوریشن میرپورخاص کے انکروچمنٹ کے اعلیٰ ارباب اختیار اور ٹریفک پولیس میرپورخاص کے اعلیٰ ارباب اختیار سے اجتماعی مفاد میں مطالبہ کررہے ہیں کہ کھان ناکہ چوک واطراف سے،کالونی چوک واطراف سےناجائز تجاوزات کو مستقل بنیاد پر ختم کراتے ہوئے ضرورت کیمطابق ٹریفک پولیس کو متعلقہ چوکوں پر تعینات کیا جائے۔۔