سیالکوٹ پولیس کی دبنگ کاروائیاں:چوری و رہزنی کے 118مقدمات میں مطلوب 4 گینگز کے 14 ملزمان گرفتار

سیالکوٹ(حسنین راجہ سے) سیالکوٹ پولیس نے ڈکیتی، راہزانی و موٹر سائیکل چوری کی 118 وارداتوں میں ملوث خطرناک 4 ڈکیت گینگز کے 14 ملزمان کو گرفتار کر لیا، لاکھوں روپے مالیتی مال مسروقہ 34موٹر سائیکلیں، نقدی 17لاکھ 37 ہزار روپے، 1چاند گآڑی رکشہ،  موبائل فونز،جنریٹر اور الیکٹرک موٹریں اور اسلحہ ناجائز برآمد

 ڈی پی او سیالکوٹ محمد حسن اقبال کی ہدایت پر سیالکوٹ پولیس نے جرائم پیشہ عناصر کے خلاف کریک ڈاؤن جاری کر رکھا ہے اس سلسلہ میں ایس ایچ او تھانہ ہیڈ مرالہ سب انسپکٹر عرفان ڈھلو، ایس ایچ او تھانہ ائیرپورٹ سب انسپکٹر محمد شہباز اور ایس ایچ او تھانہ رنگپورہ سب انسپکٹر  قیصر بشیر نے ٹیموں کے ہمراہ کاروائی عمل میں لاتے ہوئے ڈکیتی، راہزنی اور موٹر سائیکل چوری کی 118 سے زائد وارداتوں میں ملوث خطرناک چھینو، ثقلین، یاسرو اور ساگر ڈکیت گینگز کے سرغنہ سمیت 14 ملزمان کو گرفتار کر لیا ہے۔ 

دوران تفتیش ملزمان کے قبضہ سے لاکھوں روپے مالیتی مال مسروقہ 34موٹر سائیکلیں، نقدی 17 لاکھ 37 ہزار روپے، 1چاند گآڑی رکشہ، 16قیمتی موبائل فونز، جنریٹر اور الیکٹرک موٹریں اور وارداتوں میں استعمال ہونے والا اسلحہ ناجائز پسٹل 30 بور 14 عدد معہ سینکڑوں گولیاں برآمد ہوئی ہیں۔گرفتار ملزمان سے مزید تفتیش جاری ہے. جن سے مزید برآمدگی عمل میں لائی جائے گی۔