تعلیمی بورٖڈ میرپورخاص نے میٹرک کے تمام گروپوں کے نتائج کا اعلان کردیا

 میرپورخاص (بیورو چیف شہزاد خان صابری)ثانوی و اعلیٰ ثانوی تعلیمی بورٖڈ میرپورخاص نے میٹرک کے تمام گروپوں کے نتائج کا اعلان کردیا،تعلیمی بورڈ کے چیئرمین سید ذوالفقار علی شاہ کے جاری کردہ نتائج کے مطابق میٹرک سائنس گروپ میں پہلی پوزیشن نجی اسکول سسٹم ہیرآباد میرپورخاص کے طالبعلم عباد ناصر خان ولد ناصر خان نے 1014 مارکس لیکر حاصل کی جبکہ دوسری پوزیشن گورنمنٹ گرلز اپوا ہاٸی اسکول میرپورخاص کی طالبہ اریبہ بنت محمد رفیق نے 1010 مارکس لیکر اور تیسری پوزیشن گورنمنٹ بواٸز ہائر سیکنڈری اسکول کھان کے محمد مزمل ولد محمد حنیف نے 1009 مارکس لیکر حاصل کی۔ میٹرک سائنس گروپ میں مجموعی طور پر 25595 طلبہ و طالبات نے شرکت کی جن میں سے 6028 نے گریڈ اے ون، 11256 نے اے گریڈ، 6482 نے گریڈ بی، 811 نے گریڈ سی اور 7 گریڈ ڈی میں پاس ہوٸے،میٹرک سائنس گروپ میں کامیابی کا تناسب 95.81 فیصد رہا جبکہ جنرل گروپ میں پہلی پوزیشن عدنان احمد ولد محمد اقبال 809 مارکس، دوسری عطا محمد ولد محمد ملوک 771 مارکس اور تیسری پوزیشن عطاءاللہ ولد محمد مصری نے 765 مارکس لیکر حاصل کی،اس گروپ میں کامیابی کا تناسب 74.52 فیصدرہا،اس سلسلے میں منعقدہ تقریب میں چیئرمین تعلیمی بورڈ نے پوزیشن ہولڈرز طلبہ وطالبات میں اسناد اور پھولوں کے تحائف تقسیم کئے، تقریب میں طلباء و طالبات کے والدین،اساتذہ اور تعلیمی بورڈ کے سیکریٹری، ناظم امتحانات و دیگر افسران نے شرکت کی۔۔