میرپورخاص:سینئر صوبائی وزیر شرجیل انعام میمن نےمیرپورخاص میں پیپلز بس سروس کا باقاعدہ افتتاح کردیا

*میرپورخاص (بیورو چیف شہزاد خان صابری)سندھ کے سینئیر صوبائی وزیرٹرانسپورٹ،اطلاعات،ایکسائیز اینڈ ٹیکسیشن شرجیل انعام میمن نےمیرپورخاص میں پیپلز بس سروس کا باقاعدہ افتتاح کردیا،

افتتاحی تقریب سے خطاب کرتے ہوئے شرجیل میمن نے کہا ہے کہ اس وقت پاکستان کی عوام مہنگائی اور بے روزگاری کی مشکلات میں مبتلا ہے اور اس میں پاکستان پیپلز پارٹی کی اعلی قیادت اور وزیر اعلیٰ سندھ کی ہر ممکن کوشش ہے عوام کو ریلیف فراہم کرکے سستے اور بہتر ماحول میں سفری سہولیات فراہم کی جائیں،انہوں نے مذید کہا کہ پاکستان پیپلز پارٹی کی اعلیٰ قیادت کے احکامات پر عمل پیرا ہوتے ہوئے عوامی خدمت کے  10 نکاتی ایجنڈے کی شروعات کا آغاز کر دیا ہے کیونکہ پاکستان پیپلز پارٹی نے ہمیشہ عوامی امنگوں کے مطابق اپنے کام کی شروعات کی ہےآج میرپورخاص کی عوام کے ساتھ ساتھ سندھ صوبے کے لئے اہم دن ہے کیونکہ پاکستان پیپلز پارٹی نے عوام کے دیرینہ مسائل کوحل کیا ہےصوبائی وزیر شرجیل انعام میمن نے کہا کہ بدقسمتی سے چند بے وقوف اور نفرت کی سیاست کرنے والوں نے  اس ملک کو مشکلات میں مبتلا کر دیا ہے،شرجیل انعام میمن نے کہا کہ پاکستان پیپلز پارٹی اور سندھ حکومت کی کاوشوں سے  کراچی،لاڑکانہ،سکھر،حیدرآباد اور اب میرپورخاص میں پیپلز بس سروس کا آغاز کردیا گیا ہے اور جلد سندھ کے ہر ضلعے میں پیپلز بس سروس کا آغاز کیا جائے گا،کراچی میں سب سے پہلے خواتین کے لئے پنک بس سروس کا آغاز کیا گیا جو سہولت یورپ،کینیڈا اور دیگرترقی یافتہ ممالک میں بھی نہیں ہے اور مذید جلد سندھ بھر  کے دو روٹ میں پنک بس سروس کا آغاز کیا جائے گا انہوں نے کہا کہ یہ اعزاز بھی پاکستان پیپلز پارٹی اور سندھ حکومت کو جاتا ہے کہ کراچی میں سب سے پہلے ای وی الیکٹرک بس سروس کا آغاز کیا گیا شرجیل انعام میمن کہا کہ مہنگائی،پیٹرول اور ڈیزل کی بڑھتی ہوئی قیمتوں کے باعث پیپلز بس سروس  کے حکومت سندھ کی جانب سے عوام کو سستے سفری فراہم کرنے کے لئے سبسڈی دی جا رہی ہے تاکہ عوام کو بہتر اور سستی سفری سہولیات فراہم ہو سکیں،سینئیر صوبائی وزیر شرجیل انعام میمن نے کہا کہ محکمہ ٹرانسپورٹ حکومت سندھ کی جانب سے عوام کو بہتر اور سستی سفری سہولیات کا مرحلہ  ابھی جاری ہے جس میں پہلے مرحلے میں پنک ای وی اور ریڈ بس سروس کے بعد اب اورینج بس سروس،یلو بس سروس،انٹرا سٹی اور انٹر سٹی بس سروس کی سہولت کا آغاز اس سال کیا جائے گا  تاکہ شہروں کو آپس میں جوڑا جا سکے،شرجیل انعام میمن کا کہنا تھا کہ پاکستان پیپلز پارٹی نے عوامی و دیرپہ منصوبوں جس میں بینظیر انکم سپورٹ پروگرام کا آغاز کیا جو ناقابل تسخیر پروگرام بن چکا ہے،پاکستان پیپلز پارٹی کی حکومت کی جانب سے سندھ بھر میں سیلاب متاثرین کے لئے 21 لاکھ گھر تعمیر کروائے جا رہے ہیں جبکہ سیلاب متاثرین کو مفت پکا ہوا کھانا اورراشن بھی تقسیم کیا گیا،وزیر اعلی سندھ اور صوبائی حکومت کی ترجیحات میں ہے کہ پسماندہ علاقوں کو ترقی  دلوائی جائے صوبائی وزیر شرجیل انعام میمن نے میرپورخاص کی عوام سے مخاطب ہوتے ہوئے کہا کہ اب آپ شہریوں کی ذمہ داری ہے کہ وہ ان بہتر سفری سہولت فراہم کرنے والی بسوں کی حفاظت کریں،اس موقعے پر صوبائی وزیر سوشل ویلفیئر میر طارق خان تالپور نے خطاب کرتے ہوئے کہا کہ پاکستان پیپلز پارٹی نے میرپورخاص کے شہریوں کے لئے پیپلز بس سروس کا آغاز کرکے شاندار تحفہ دیا ہےاس موقعے پرايم پي ايزحاجی نور احمد بھرگڑی،ہری رام کشوری لال، سیکریٹری  ٹرانسپورٹ اسد ضامن،ڈویژنل کمشنر میرپورخاص فیصل احمد عقیلی،ایڈیشنل کمشنر ون ڈاکٹر علی نواز بھوت،میئر عبدالرؤف غوری،ڈپٹی مئیر سمیرا بلوچ،سابقہ ایم پی اے نصرت سلطانہ خواجہ،ڈی آئی جی میرپورخاص جاوید سونہارو جسکانی،ایس ایس پی میرپورخاص کیپٹن ریٹائرڈ اسد علی چودہری،پی پی ضلعی جنرل سیکریٹری میر حسن دھونکائی،پی پی انفارمیشن سیکرٹری عبدالسلام میمن،ٹاؤن چئیرمین سید خادم حسين شاہ سید شازل شاہ،پی پی عہدیداروں،متعلقہ محکموں کے افسران،صحافیوں اور عوام کی  بڑی تعداد موجودتھی،افتتاحی تقریب سے خطاب کرتے ہوئے میئر عبدالرؤف غوری نے کہا کہ سندھ حکومت اور صوبائی وزیر ٹرانسپورٹ شرجیل انعام میمن کی کوششوں سے میرپورخاص کے شہریوں کو بہتر اور سستی سفری سہولیات فراہم کی جارہی ہے جو خوش آئند بات ہے،انہوں  نے کہا کہ پاکستان پیپلز پارٹی کی قیادت نے میرپورخاص کی عوام کے دیرینہ مطالبہ  پیپلز بس سروس فراہم کرنے کا کیا گیا وعدہ آج پورا کر دیا ہے،انہوں نے صوبائی وزیر ٹرانسپورٹ سے مطالبہ کرتے ہوئے کیا کہ وہ میرپورخاص کی خواتین کے لئے میرپورخاص سے حیدرآباد تک پنک پیپلز بس سروس کا بھی آغاز کیا جائے اور کہا کہ پہلے مرحلے میں انٹرا سٹی بس سروس کا آغاز ہو چکا ہے اس لئے مذید آؤٹ آف سٹی سفری سہولت کے لئے بھی  پیپلز بس ٹرانسپورٹ کی سہولت فراہم کی جائے،تقریب سے  ایم پی اے ہری رام کشوری لال،حاجی نور احمد بھرگڑی،پی پی عہدیدار میر حسن دھونکائی،سول سوسائٹی کے شہزادو ملک  نے بھی میرپورخاص میں پیپلز بس سروس شروع کرنے پر سندھ حکومت اور صوبائی وزیر ٹرانسپورٹ و اطلاعات و ایکسائیز اینڈ ٹیکسیشن شرجیل انعام میمن کا شکریہ ادا کیا اور مطالبہ کیا کہ خواتین کے لئے بھی پنک بس سروس کا آغاز کیا جائے۔۔